20 июньдә Татарстанны Халыкара "Татар кызы" матурлык һәм сәләтлелек бәйгесендә тәкъдим итәчәк туташны ачыклаячаклар. Бу хакта конкурсның социаль челтәрендәге төркемендә хәбәр ителә.
"Татар кызы-2018"не Г.Тукай исемендәге Татар Дәүләт филармониясендә сайлаячаклар.
Узган ел Уфада үткәрелгән Халыкара конкурста Татарстаннан Гөлназ Гатина җиңү яулаган иде. Шул сәбәпле, быел финал Казанда булачак.
"Татар кызы" бәйгесе 2011 елдан үткәрелә, 2016 елда бәйге халыкара статус алды.
tatar-inform.tatarПри использовании информации просьба ссылаться на Управление информационной политики и по связям с общественностью.
Пәнҗешәмбе, 7 июнь 2018, 15:23