Тантаналы чарада Башкарма комитет җитәкчесе Фәрид Салахов катнашты. Ул коллективны истәлекле вакыйга белән котлады, театрның татар милли мәдәниятен саклауга һәм үстерүгә керткән зур өлешен, шулай ук Яр Чаллы шәһәрендә яшәүчеләрнең тамашачы зәвыгын һәм рухи тормышын тәрбияләүдә аерым ролен билгеләп үтте.
«Бөтен шәһәр һәм Чаллы хакиме Наил Мәһдиев исеменнән театрыбызны туган көне белән котлыйм. Сезгә алдагы эшегездә уңышлар телим», — диде Фәрид Салахов..webp)
Иң яхшы хезмәткәрләренә Рәхмәт хатлары һәм Мактау грамоталары тапшырылды. Театр коллективы исеменнән Рәхмәт хаты белән театрның сәнгать җитәкчесе Олег Кинҗәгулов бүләкләнде.
Театрның сәнгать җитәкчесе Олег Кинҗәгулов шәһәр һәм республика хакимиятләренә һәм тамашачыларга ярдәмнәре өчен рәхмәт белдерде.
Театр сәнгатен үстерүгә керткән өлешләре өчен Чулпан Арслановага, Руслан Ибраһимовка, Рәзил Фәхертдиновка Татарстан Республикасы атказанган артисты исеме бирелде.
При использовании информации просьба ссылаться на Управление информационной политики и по связям с общественностью.
Якшәмбе, 21 декабрь 2025, 15:06