Социаль планлаштыру бүлеге

Бүлекнең төп бурычлары булып муниципаль берәмлектә социаль процессларның тотрыклы үсешен тәэмин итүгә юнәлдерелгән чаралар оештыру һәм үткәрү, Яр Чаллы шәһәре  муниципаль берәмлеген (алга таба – шәһәр) социаль-икътисадый үстерү, халыкның тормыш дәрәҗәсен индикатив планлаштыру нигезендә икътисад үсешенең өстенлекле юнәлешләрен гамәлгә ашыру тора.

Йөкләнгән бурычлар нигезендә бүлекнең төп функцияләре:

1) шәһәр социаль-икътисадый үсешенең перспектив һәм еллык планнарын эшләү: социаль-икътисадый үсеш динамикасын прогнозлау, прогноз эшләү, «Демография», «Хезмәт», «Халыкның акчалата керемнәре һәм чыгымнары», «Ваклап сату һәм түләүле хезмәтләрнең товар әйләнеше» бүлекләре буенча шәһәрнең социаль-икътисадый үсешенең төп күрсәткечләрен әзерләү;

2) халык яшәеше, шәһәр тормышының икътисадый һәм социаль тармаклары дәрәҗәсен бәяләү индикаторларының чик күрсәткечләрен билгеләү, үз компетенциясе кысаларында, планлаштырган нәтиҗәләргә ирешүне контрольдә тоту;

3) социаль-икътисадый үсешне комплекслы прогнозлауны гамәлгә ашыру һәм шәһәр халкының тормыш дәрәҗәсен индикатив бәяләү системасы мониторингын үткәрү;

4) үз компетенциясе кысаларында, халыкның тормыш дәрәҗәсен күтәрү, халык керемнәрен легальләштерү буенча эшне оештыру һәм координацияләү, шул исәптән:

- икътисад һәм хезмәт базары өлкәсендәге тенденцияләрне мониторинглау үткәрү;

- хезмәт хакы буенча бурычларны анализлау;

- хезмәт хакын «конвертта» түләүләр һәм минималь куллану бюджетыннан түбәнрәк түләү буенча «кайнар» линиягә кергән мәгълүматларны анализлау;

5) шәһәрдә бара торган социаль процессларның мониторингын үткәрү;

6) шәһәрдә социаль-хезмәт мөнәсәбәтләрен җайга салу буенча өч яклы территориаль комиссиянең эшен координацияләү;

7) муниципаль учреждение хезмәтләренә тиешле тарифларны билгеләү өчен чыгымнар составының нигезлелеген анализлау;

8) муниципаль хезмәтләр күрсәтүнең административ регламентларын эшләү һәм гамәлгә кертүне координацияләү;

9) бүлек компетенциясенә кертелгән мәсьәләләр буенча эш документларына, гражданнар һәм юридик затларның мөрәҗәгатьләренә җаваплар әзерләү.

Бүлек Россия Федерациясе һәм Татарстан Республикасы законнары, муниципаль хокукый актлар нигезендә башка функцияләрне дә гамәлгә ашыра.