Икътисад бүлеге

Бүлекнең төп бурычлары булып Яр Чаллы шәһәре  муниципаль берәмлегенең (алга таба – шәһәр) икътисадый торышын анализлау, тотрыклы икътисадый үсешне тәэмин итүгә юнәлдерелгән чараларны гамәлгә ашыру тора.

Йөкләнгән бурычлар нигезендә бүлекнең төп функцияләре:

1) шәһәр социаль-икътисадый үсешенең перспектив һәм еллык планнарын эшләү: социаль-икътисадый үсеш динамикасын анализлау, прогнозлар эшләү, шәһәрнең социаль-икътисад үсешенең төп күрсәткечләрен әзерләү;

2) халык яшәеше, шәһәр тормышының икътисадый һәм социаль тармаклары дәрәҗәсен бәяләү индикаторларының чик күрсәткечләрен билгеләү, үз компетенциясе кысаларында, планлаштырылган нәтиҗәләргә ирешүне контрольдә тоту;

3) социаль-икътисадый үсешне комплекслы прогнозлауны гамәлгә ашыру һәм шәһәр халкының тормыш дәрәҗәсен индикатив бәяләү системасы мониторингын уздыру;

4) үз компетенциясе кысаларында, оешмаларның финанс-хуҗалык эшчәнлеген анализлау;

5) шәһәр программаларын тормышка ашыруның мониторингын уздыру;

6)  тиешле тарифларны билгеләү өчен чыгымнар составының нигезлелеген анализлау;

7) бүлек компетенциясенә караган мәсьәләләр буенча мәгълүмат материалларын формалаштыру һәм бирү;

8) икътисад мәсьәләләре буенча киңәшмәләр һәм семинарлар әзерләүдә һәм үткәрүдә катнашу;

9) бүлек компетенциясенә караган мәсьәләләр буенча эш документларына, гражданнар һәм юридик затларның мөрәҗәгатьләренә җаваплар әзерләү.

Бүлек Россия Федерациясе һәм Татарстан Республикасы законнары, муниципаль хокукый актлар нигезендә башка функцияләрне дә гамәлгә ашыра.