Сәламәтлек саклауда
милли проектларның төп максатлары
- Россия халкының сәламәтлеген ныгыту, авырулар, инвалидлык, үлем-китем дәрәҗәсен киметү;
- Медицина ярдәменең мөмкинлеген һәм сыйфатын күтәрү;
- Сәламәтлек саклауның беренчел звеносын ныгыту, госпитализациягә кадәрге
этапта медицина ярдәме күрсәтү өчен шартлар булдыру;
- Сәламәтлек саклауның профилактик юнәлешлелеген үстерү;
- Халыкның югары технологияле медицина ярдәме төрләренә ихтыяҗын канәгатьләндерү.
Өстенлекле милли проектның төп юнәлешләре нинди?
Сәламәтлек саклау өлкәсендә өстенлекле милли проектның төп юнәлешләренә түбәндәгеләр
керә:
Беренчел медицина ярдәмен үстерү. Ул түбәндәге чараларны күзаллый:
– гомуми практика (гаилә) табиблары, участок терапевт-табиблары һәм педиатр табиблары әзерләү һәм аларны яңадан укытып кайтару;
– беренчел звено, фельдшер-акушерлык пунктлары һәм «ашыгыч ярдәм» медицина хезмәткәрләренең эш хакын арттыру;
– беренчел ярдәм, ашыгыч медицина ярдәме диагностика хезмәтенең материаль-техник базасын ныгыту;
– ВИЧ-инфекциясен, В һәм С гепатитын профилактикалау, ВИЧ авыруларын ачыклау
һәм дәвалау;
– прививкаларның милли календаре кысаларында халыкны өстәмә иммунлаштыру;
– яңа туган балаларны тикшерүнең яңа программаларын кертү;
– эшләүче халыкны өстәмә диспансерлаштыру;
– хатын-кызларга йөклелек чорында һәм бала табу вакытында дәүләт һәм муниципаль
сәламәтлек саклау учреждениеләрендә медицина ярдәме күрсәтү.
Халыкны югары технологияле медицина хезмәте белән тәэмин итү:
– югары технологияле медицина хезмәте
күрсәтү күләмнәрен арттыру;
– яңа югары технологияле медицина үзәкләре
төзү, ул үзәкләргә югары квалификацияле табиблар һәм урта медицина персоналы әзерләү.
«Сәламәтлек» өстенлекле милли проектның торышы белән rost.ru сайтының «Современное здравоохранение» бүлегендә танышырга мөмкин.
