Яшьләр арасында тискәре күренешләрне кисәтү, яшүсмерләрнең ялын оештыру һәм даими рәвештә спорт, туризм белән шөгыльләнүгә җәлеп итү максатыннан Җиңү паркында Автозавод районының белем бирү учреждениеләре укучылары өчен спорт-туристлык полосасында каршылыкларны узу буенча ел саен үткәрелә торган ярышлар узды.
Спорт-туристлык каршылыклар полосасының ярышлары елдан-ел популярлаша бара. Узган ел ярышларда Автозавод районының унике мәктәбеннән укучылар катнашты, быел аларның саны унбишкә җитте: 15, 19, 23, 24, 27, 28, 29, 32, 34, 37, 40, 43, 48, 49, 51 нче белем бирү учреждениеләре.
Укучылар горизонталь һәм вертикаль туннель, елан, ромб, маятник кебек этапларда көч сынашты. Ярыш нәтиҗәләре буенча беренче урынны 15 – нче мәктәп командасы, икенче урынны 43 – нче мәктәп, өченче урынны 51-нче мәктәп командалары алды. Аларга Боз Сараенда түләүсез шугалакка бару өчен чакыру билетлары тапшырылды.
Ярышларда катнашучыларның барысы да Автозавод районы администрациясе башлыгының грамоталары белән бүләкләнделәр.
При использовании информации просьба ссылаться на Управление информационной политики и по связям с общественностью.
Пәнҗешәмбе, 22 ноябрь 2018, 17:00