1 сентябрьдән яшьләр арасында мәдәни чараларны популярлаштыру буенча «Пушкин картасы» программасы гамәлгә керде.
Дәүләт Думасы депутаты, Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина: «1 сентябрьдән Россиядә «Пушкин картасы» федераль программасы гамәлгә керде, 14-22 яшьлек һәр кеше музей, театр, концерт залларына һәм экскурсияләргә дәүләт хисабына йөри ала. Бу безнең яшьләр өчен яңа мөмкинлекләр ача. Быел 31 декабрьгә кадәр аның ярдәмендә билетларны 3 000 сумга сатып алырга мөмкин булачак, ә 2022 елдан әлеге сумма 5 000 сумга кадәр артачак».
«Пушкин картасы»н ничек алырга? Телефонга «Дәүләт хезмәтләре.Мәдәният» кушымтасын йөкләтергә, анда акча күләме һәм илнең 1,3 мең мәдәният учреждениесендә барырга мөмкин булган чараларның исемлеге күрсәтелгән, аккаунтны «Дәүләт хезмәтләре»ндә расланган аккаунт ярдәмендә, пластик рәвештә - «Банк почтасы» бүлекчәләрендә рәсмиләштерергә мөмкин.
1 сентябрьдән культура.рф порталында дәүләт һәм шәхси мәдәният учреждениеләрендә «Пушкин картасы» ярдәмендә карап була торган күргәзмәләр һәм спектакльләр исемлеге барлыкка килде. Әлеге исемлеккә проектның максатчан аудиториясе — 23 яшькә кадәрге яшь кешеләр өчен иң туры килә торган чаралар кертелгән.
При использовании информации просьба ссылаться на Управление информационной политики и по связям с общественностью.
Җомга, 3 сентябрь 2021, 10:54