2021 елның 14 декабреннән 2022 елның 30 гыйнварына кадәр «Кадрлар резервы. Республика командасы» республика проектында катнашу өчен теркәлеп була. Проектның бурычы – Татарстан Республикасында дәүләт яшьләр сәясәтен гамәлгә ашыру өчен кадрлар формалаштыру һәм үстерү.
Проект көндезге һәм дистанцион модульләрдән тора һәм яшьләр белән эшләү буенча белгечләрнең төп компетенцияләрен үстерүгә юнәлдерелгән. Анда Татарстан Республикасы территориясендә даими яшәүче 16 яшьтән 35 яшькә кадәрге яшь кеше катнаша ала.
Укулар өч төп юнәлеш буенча узачак:
«Игелек» командасы: иреклелек өлкәсендә менеджмент – гражданнарның иҗтимагый-файдалы эшчәнлеккә җәлеп ителү дәрәҗәсен күтәрү, татарстанлыларның ирекле эшчәнлектә катнашу ихтыяҗын формалаштыру һәм тормышка ашыру өчен шартлар тудыру;
«Патриот» командасы: патриотик проектларны тормышка ашыру – социаль әһәмиятле кыйммәтләрне, гражданлык һәм патриотизмны формалаштыруны һәм үстерүне тәэмин итә торган механизм булдыру;
«Берләшмә» командасы: комьюнити менеджмент өлкәсендә күнекмәләрне үстерү – идея, проблема яки продукт тирәсендә фикердәшләр бергәлеген формалаштыру, формалаштыру, яшьләр сәясәте өлкәсендә эшләү, яшьләр белән нәтиҗәле эшләү принципларына һәм механизмнарына өйрәтү.
Сайлап алу этабында катнашу өчен гаризалар 2022 елның 30 гыйнварына кадәр http://rezervrt.ru проект сайтында кабул ителә.
При использовании информации просьба ссылаться на Управление информационной политики и по связям с общественностью.
Сишәмбе, 28 декабрь 2021, 11:05