Социаль фонд чаллылыларга хәбәр итә

Гаиләгә бердәм пособие алу өчен күченгәннән соң яшәү урынын расларга кирәк.

Россия Социаль фондының Татарстан Республикасы буенча бүлеге хәбәр иткәнчә, гаилә башка төбәккә күченгән очракта, бердәм пособие алучы ата-аналарга бу хакта Россия Социаль фондына хәбәр итәргә кирәк. Түләүләрне алуның мондый шарты пособиегә хокукның, шулай ук аның күләменең конкрет төбәктә яшәү минимумы буенча билгеләнүе белән бәйле. Башка яшәү минимумы булган субъектка күченгәннән соң пособие түләү туктатыла. Аны дәвам итү өчен ата-аналарга яңа урында акча алуны яңадан рәсмиләштерергә кирәк.

«Әгәр бу вакытлыча теркәлү буенча һәм яшәү минимумы югарырак булган төбәктә эшләнә икән, Россиянең социаль фонды, Бердәм пособие бирү кагыйдәләре нигезендә, ата-аналар һәм балаларның чыннан да яңа субъектка күчеп килүләренә инанырга тиеш. Тикшерү кайчан да булса түләүне рәсмиләштергән, ә аннары кабат мөрәҗәгать иткән барлык ата-аналарга карата башкарыла», — дип ачыклык кертте СФРның Татарстан бүлеге идарәчесе Эдуард Вафин.

Моның өчен фонд дәүләт мәгълүмат системасы аша гаилә турындагы мәгълүматларны төгәлләштерә. Ата-аналар салым түли торган яки, мәсәлән, эшсезлек буенча пособие рәсмиләштергән төбәк турындагы белешмәләр тикшерелә. Шулай ук әти белән әнигә коммуналь хезмәтләр өчен түләүгә пенсия яки ташлама билгеләнүе дә исәпкә алына. Моннан тыш, яшәү фактын социаль контракт төзү яисә гаиләгә күпбалалы статус билгеләү турындагы мәгълүматлар расларга мөмкинлек бирә.

Күрсәтелгән мәгълүмат булмаган яки ул гаилә яшәгән төбәкләрнең туры килмәвен һәм бердәм пособие рәсмиләштерелүен күрсәткән очракта, Россиянең социаль фонды ата-аналардан өстәмә документлар һәм белешмәләр соратып ала. Бу гаилә күченгән төбәктә торак арендалау килешүе яки пособие билгеләнгән балалар бакчасыннан һәм бала мәктәбеннән белешмә булырга мөмкин. Мондый мәгълүматларны Ата-аналар Россия Социаль фондының яңа фактик яшәү урыны буенча клиент хезмәтенә шәхсән бирергә тиеш. Пособиегә хокук булган очракта, әгәр тапшырылган мәгълүмат гаиләнең күченүен расласа, ул билгеләнә.

Белешмәләр өчен Россия Социаль фондының Татарстан Республикасы буенча бүлекчәсенең Бердәм контакт-үзәге телефоны буенча консультация алырга була: 8-800-1-00000-1.