Шәһәр Советының алтынчы утырышында Наил Мәһдиев, катлаулы икътисади вәзгыятькә карамастан, Яр Чаллы сәнәгатенең тотрыклылык күрсәтүен билгеләп үтте. Предприятиеләр ихтыяҗ зур булган, көндәшлеккә сәләтле продукция чыгарып, җитештерү күләмен арттыра. Мэр аерым рәхмәт сүзләрен дәүләт заказы параметрларын үз вакытында үтәүче оборона‑сәнәгать комплексы предприятиеләренә җиткерде.
Мөһим вакыйгаларның берсе – 1976 елның 16 февралендә беренче КАМАЗ автомобиле чыгарылуга 50 ел тулуы. Завод модель рәтен үстерүне дәвам итә, илнең технологик суверенитетын ныгыта.
Инвестицион активлык югары дәрәҗәдә кала. 2025 елда гомуми инвестиция күләмен 104,6 млрд сум дәрәҗәсендә планлаштыралар. Предприятиеләр федераль ресурсларны актив җәлеп итә: сәнәгатьне үстерү фонды 6,5 млрд сумлык алты проектка ярдәм күрсәтте.
Шәһәргә ун ел элек бирелгән алгарышлы үсеш территориясе (ТОР) статусы үзенең нәтиҗәлелеген раслады. Алгарышлы үсеш территориясенең 50 резидент‑компаниясе тарафыннан түләнгән салымнар күләме бирелгән ташламалар суммасыннан 2,5 тапкыр артык булды. Бу Яр Чаллыны күптармаклы сәнәгать үзәге итү өчен нык нигез булдырды.
При использовании информации просьба ссылаться на Управление информационной политики и по связям с общественностью.
Дүшәмбе, 16 февраль 2026, 09:22