Яр Чаллыда кече һәм урта бизнес өлкәсендә 144 мең кеше эшли

Кече һәм урта бизнес шәһәр өчен өстенлекле юнәлеш булып кала. Кече һәм урта эшмәкәрлек субъектлары әйләнеше 8%ка үсеп, 736 млрд сумга тәшкил итә. Аеруча мөһиме – кече һәм урта эшмәкәрлек гомум әйләнешендә сәнәгать җитештерүе өлеше 2015 елдагы 17%тан 2025 елда 31,5%ка кадәр артты. Эшмәкәрләр дәүләт ярдәмен актив файдалануын ассызыклады Наил Мәһдиев:

«Кече һәм урта бизнеска актив үсеш алырга федераль һәм төбәк программалары булыша. Безнең эшмәкәрләр 14 млрд сумнан артык гомуми суммага ярдәм чараларыннан файдалана алды. Кече һәм урта бизнес – шәһәр икътисадының тотрыклы үсеш нигезе, шуңа күрә безнең бурыч – аңа киңкырлы ярдәм күрсәтү».

Яр Чаллыда 28 меңнән артык кече һәм урта бизнес субъекты эшли, аларда 144 мең хезмәткәр эш белән тәэмин ителгән.

Бизнеска ярдәм күрсәтү өчен шәһәрдә сәнәгать парклары үстерелә. Мәсьәлән, муниципаль «Развитие» паркының өченче чиратын киңәйтү дәвам итә, анда резидентлар биредә үз чараларыннан 728 млн сум күләмендә инвестиция керткән.

Радиоэлектроника өлкәсендә «Олимп» технопаркының ачылуы Яр Чаллыда югары технологияле эшпәрешмәчелекне үстерергә ярдәм итте.