Наил Мәһдиев «КАМАЗ»ның беренче йөк машинасы чыгарылуының 50 еллыгы белән котлый

Кадерле чаллылылар һәм «КАМАЗ» ачык акционерлык җәмгыятенең хезмәткәрләре!

Бүген без истәлекле һәм бөек датаны билгелибез — нәкъ 50 ел элек баш конвейердан беренче «КАМАЗ» йөк автомобиле төште.

Бу триумфка шәһәр 1969 елдан килде, шул вакытта зур Бөтенсоюз комсомол төзелешенә старт бирелде, ул зур Совет Союзының меңләгән кешеләрен берләштерде.

Беренче төзүчеләребезнең — эшчеләр, инженерлар һәм проектлаучыларның — ударник хезмәте һәм сынмас ихтыяры чиста кырда матур һәм заманча шәһәрне һәм дөньяда иң эре автомобиль заводын — КАМАЗны иң кыска вакытта төзергә мөмкинлек бирде. Без аларның намуслы хезмәте өчен рәхмәтле һәм олы багалыйбыз, чөнки бу хезмәт соңыннан шәһәрнең күп предприятиеләре өчен нигез булып торды.

Бүген «КАМАЗ» — бу милли байлык, бөтен дөньяда танылган бренд. Безнең техника иң каты шартларда эшли, үзенең ышанычлылыгын дәлилли. Россия Федерациясенең теләсә кайсы шәһәре дөнья масштабында шундый эре автомобиль заводын үз территориясендә булдыру шәрәфе дип санар иде. Ләкин бу шәрәф безгә — Яр Чаллыга — бүләк ителде.

«КАМАЗ» автогиганты — бу алдынгы җитештерү генә түгел, ә тәүге чиратта ул — кешеләр. Легендар беренче төзүчеләр заманындагы кебек үк, автогигант меңләгән язмышны үз эченә алып, профессионалларның бер зур, тугры гаиләсенә әверелде. Ветераннар тәҗрибәсенә таянып, хезмәтнең заманча буыны уңышлы рәвештә алдынгы инженер чараларын куллана һәм заманча, югары технологияле техника яза.

«КАМАЗ»ларның көче һәм ышчанлыгы хәзер иң авыр сынау — сугыш сынауын үтә. Безнең техника махсус хәрби операция зонасында алгы сызыкта сугышучылар өчен таяныч булып тора. Конвейердан төшкән һәр машина Җиңүне якынайта.

«КАМАЗ» һәм шәһәр — бер организм. Тарих безнең өзелмәс бәйләнешебезне раслый: шәһәр автогигант өчен салынган, ә «КАМАЗ» да шәһәрне төзегән. Без бу берлекне сөйәбез һәм уртак тарихыбыз белән горурланабыз.

Бәйрәмегез белән!