600дән артык «Алдынгылар хәрәкәте» катнашучысы 57 нче «Притяжение» гимназиясендә очрашты. Слет — нәтиҗәләр ясый торган һәм яңа мөмкинлекләр ача торган традицион чара.
Түгәрәк өстәл форматында Яр Чаллы мэры грантларына «Алдынгылар инициативасы» конкурсына һәм җиңүче булган барлык проектларны гамәлгә ашыруга йомгак ясалды. Проект вәкилләре үз инициативаларының нәтиҗәләре һәм әһәмияте турында сөйләп үтте. Алар арасында, мәсәлән, җилкәнле яхталарда гаилә регатасы, Яр Чаллы тарихына багышланган проектлар, табибка кадәрге ярдәм һәм һөнәри юнәлеш бирү буенча мәгърифәтчелек проектлары, КВНның Юниор-лигасы, форумнар һәм фестивальләр, техник эшләнмәләр һәм башкасы бар. Очрашуда шәһәр Башкарма комитеты җитәкчесе урынбасары Винер Харисов һәм яшьләр белән эшләү идарәсе башлыгы Ләйсән Видинеева катнашты.
Слет 115 нче балалар бакчасыннан кечкенә артистлар һәм «Алдынгылар» советы активистларыннан торган «Алдынгылар хоры» чыгышы белән ачылды. Мактаулы кунаклардан җылы сүзләр һәм «Алдынгылар»га теләк-киңәшләр яңгырады. Хәрәкәт остазларын эшчәнлектәге уңышлары өчен бүләкләделәр.
Слет мәйданчыкларында төрле активлыклар оештырылды: ораторлык осталыгы буенча мастер-класс, фәнни тәҗрибәләр, партнерлар белән эшләү күнекмәләренә өйрәтү, туризм, кибериминлек, иреклелек һәм спорт темаларына чуму.
Чара ахырында «Алдынгылар сайлавы» тавыш бирү-премиясенә йомгак ясалды. «Ел потенциалы» номинациясендә 60 нчы мәктәп командасы җиңде. 49 нчы кадет мәктәбенең беренчел бүлеге «Үсеш территориясе» дип танылды. «Бер адым алда» номинациясендә 37 нче мәктәп укучылары җиңү яулады, «Алдынгылар ярдәмгә» номинациясендә 7 нче мәктәп җиңде, «Ел ачышы» булып 32 нче мәктәпнең беренчел бүлеге танылды, ә 64 нче прогимназия «Хәрәкәт йөрәге» исеменә лаек булды.
Шулай ук «Тарих сакчылары» слетында Советлар эшләгән стенд композицияләре бәйгесенә дә нәтиҗә ясалды. 32 нче мәктәпнең «Алдынгылар» күргәзмәсе проекты иң яхшысы дип табылды, хәзер ул тормышка ашырылачак. «Ел укучысы» бәйгесе финалистларының исемнәре дә игълан ителде — алар 55 күпкырлы һәм актив егет-кыз.
При использовании информации просьба ссылаться на Управление информационной политики и по связям с общественностью.
Шимбә, 28 февраль 2026, 13:36