Казанда «Буыннар бәйләнеше» республика шахмат турниры узды. Татарстан Республикасы буенча «Россия пенсионерлар берлеге»нең төбәк бүлеге оештырган чарага республиканың төрле шәһәр һәм районнарыннан иң көчле гаилә командалары җыелды. Ярышлар «Гаилә» милли проекты кысаларында үткәрелә.
Интеллектуаль бәйгедә республиканың 10 шәһәре һәм районы вәкилләре катнашты. Һәр торак пункт муниципаль дәрәҗәдә кырыс сайлап алу узган бер команданы тәкъдим итте. Турнирның үзенчәлеге — катнашучылар составында: һәр командадагы өч уенчы бер гаиләнең өч буыныннан торырга тиеш — дәү әти яки дәү әни, әти яки әни, шулай ук 14 яшькә кадәрге яшь шахматчы..JPG)
Төп трофей өчен көрәш киеренке барды: турнир җиңүчеләре ярыш хуҗалары — Казан командасын нибары ярты очкога гына узып китте. Чемпион дигән мактаулы исемне һәм күчмә кубокны Яр Чаллыдан Мостафиннар гаиләсе яулады. Командага алтын җиңүне дәү әти Кыяметдин, аның улы Әлфрит һәм оныгы Камил алып килде. Алар уенның югары дәрәҗәсен генә түгел, гаилә традицияләренең чын бердәмлеген дә күрсәттеләр.
«Буыннар бәйләнеше» турниры шахматның төрле яшьтәгеләрне тоташтыручы үзенчәлекле күпер булуын тагын бер кат раслады. Ул дәү әниләрне, дәү әтиләрне, ата-аналарны һәм балаларны тере аралашу һәм интеллектуаль иҗат шатлыгы белән берләштерә.
При использовании информации просьба ссылаться на Управление информационной политики и по связям с общественностью.
Дүшәмбе, 2 март 2026, 16:21