Укучылар шәһәрнең җәмәгать киңлекләрендә эш алып баралар

Комсомол районы мәктәп укучылары шәһәр территорияләрен кардан чистарту эшенә актив кушылды: Тинчурин бульварында 1 нче мәктәп укучылары эшләде, 3 нче мәктәп укучылары көче белән Торак-коммуналь хуҗалык скверы чиста хәлгә китерелде, 12 нче мәктәпнең 7 «Б» сыйныфы укучылары тырышлыгы нәтиҗәсендә Җәлил скверы чистарып балкыды, ә 44 нче мәктәпнең 9 «Д» сыйныфы укучылары Саначин бульварын кардан арындырды. Хәзер бу территорияләрнең барысы да кардан арынды.

Коммуналь хезмәтләргә Үзәк районының 45 нче мәктәп укучылары да ярдәмгә килде. Балалар үзләренең туган мәктәпләре территориясен генә түгел, аннан читтәге урыннарны да тәртипкә китерде.

Кулларына көрәкләр алып, укучылар Дуслык скверындагы сукмакларны кардан чистартты. Алар белгечләрнең эшен шактый җиңеләйтте һәм шәһәр халкы өчен йөрүне уңайлырак та, хәвефсезрәк тә итте.

13 нче мәктәп укучыларын да уртак хезмәт берләштерде. Мәктәп балалары бердәм рәвештә Энтузиастлар бульварына чыкты. Аларның тырышлыгы белән бульварның үзәк аллеясе тулысынча кардан чистартылды. Хәзер шәһәр халкы яраткан ял урынында хәвефсез һәм рәхәтләнеп йөри ала.

Автозавод районында да кар яву нәтиҗәләрен бетерү буенча җәмәгать киңлекләрен чистарту эше нәтиҗәле дәвам итә. 27, 51, 52 нче мәктәпләрнең актив укучылары Яшь ленинчылар бульварының җәяүлеләр юлларын чистартты, ә 43 һәм 79 нчы мәктәп укучылары Йорт төзүчеләр бульварын тәртипкә китерде.

19, 24, 33, 34 нче мәктәп укучылары яшь чаллылылар һәм шәһәр халкы өчен уен мәйданчыкларын, Җиңү паркының керү-чыгу юлларын, шулай ук Шишкин һәм Боровецкий бульварларын төзекләндерде. Бу эшләрдә барлыгы 146 укучы катнашты.