Кадерле хатын-кызлар!
Шушы матур көндә сезне иң җылы һәм иң күркәм бәйрәм белән ихлас күңелдән котлыйм!
Язның беренче бәйрәме үзендә аерым җылылык, яктылык һәм шатлык йөртә. Нәкъ менә сез, кадерле хатын-кызларыбыз, тормышыбызны мәхәббәт һәм игелек белән баетасыз.
Без, ир-атлар, сезгә сокланып туя алмыйбыз. Сез гаҗәеп җиңеллек белән бик күп рольләрне берләштерәсез: кайгыртучан әни һәм дәү әни, яраткан тормыш иптәше, игътибарлы кыз, ышанычлы хезмәттәш һәм тугры дус. Сез балалар тәрбиялисез, карьера корасыз, иҗатта һәм спортта уңышларга ирешәсез, җәмәгать эшчәнлеге алып барасыз.
Шәһәребез үсешенә керткән өлешегез бәяләп бетергесез. Мәгариф һәм сәламәтлек саклау кебек иң мөһим өлкәләр, иң элек, хатын-кызлар җилкәсендә тора, ә болар — ике төп юнәлеш: укыту һәм дәвалау.
Сез бу эшкә бөтен күңелегезне, сәләтегезне һәм һөнәри осталыгыгызны саласыз. Сезнең хезмәтегез һәм фидакарьлегегез нәтиҗәсендә Яр Чаллы көннән-көн матуррак һәм яхшырак була бара.
Бу бәйрәм көнендә махсус хәрби операциядә катнашучыларның хатыннарына һәм әниләренә аерым рәхмәт сүзләрен җиткерәбез. Сезнең ышанычыгыз һәм мәхәббәтегез батырларыбыз өчен терәк. Ир-атлар ил киләчәген яклаганда, сез үзегезнең нәфис иңнәрегездә зур җаваплылык күтәрәсез: өй җылысын саклыйсыз, балалар тәрбиялисез. Сезнең күңел ныклыгы — безнең уртак Җиңү өчен гаять әһәмиятле булган батырлык. Сезгә тирән хөрмәт белдерәбез һәм сезнең алда баш иябез!
Кадерле хатын-кызлар!
Сез — безнең илһам һәм көч чыганагы.
Чын күңелдән һәркайсыгызга ныклы сәламәтлек, яшьлек һәм матурлык, гаилә иминлеге һәм күңел тынычлыгы телим! Тормышыгызда якты көннәр, ихлас елмаюлар, мәхәббәт һәм чәчәкләр бүген генә түгел, елның һәр көнендә дә күп булсын! Балаларыгыз уңышлары белән сөендерсен, ә ир-атлар игътибар һәм кайгырту күрсәтсен!
Бәйрәм белән! 8 Март белән!
Н.Г. Мәһдиев
При использовании информации просьба ссылаться на Управление информационной политики и по связям с общественностью.
Якшәмбе, 8 март 2026, 07:00