Торак-коммуналь хуҗалыкның дәүләт мәгълүмат системасы һәм «Госуслуги Дом» кушымтасы Россия Цифрлы үсеш министрлыгының ак исемлегенә кертелгән — бу аларның мобиль интернетка чикләүләр булганда да эшләвен гарантияли.
«Госуслуги Дом» кушымтасы ТКХ өлкәсендәге мәсьәләләрне турыдан-туры смартфоныгыз аша хәл итү өчен уңайлы корал тәкъдим итә.
Аның ярдәмендә сез түбәндәгеләрне эшли аласыз: исәпләгеч күрсәткечләрен тапшырырга һәм түләүләрне башкарырга — барлык күрсәткечләр һәм бөтен милек буенча квитанцияләр бер урында тупланган, ә барлык исәп-хисапларны бер операция белән ябып була; идарәче оешма белән артык мәшәкатьсез аралашырга: диспетчер хезмәтенең номерын эзләргә яки офиска барырга кирәкми — барлык мөрәҗәгатьләрне (аварияләргә кагылышлыларын да, коллектив гаризаларны да) кушымта аша җибәреп була; барлык мөрәҗәгатьләр буенча рәсми статусны 10 көн эчендә гарантияләнгән җавап белән алырга; мәсьәлә хәл ителмәсә, торак инспекциясенә шикаять бирергә; уртак проблемаларны хәл итү өчен күршеләр белән бергә коллектив гаризалар төзергә; авария турындагы гаризаларны тиз арада җибәрергә — шул исәптән диспетчер хезмәтенә турыдан-туры кушымтадан шалтыратырга; милекчеләр җыелышларында онлайн тавыш бирүләрдә, шул исәптән юридик әһәмияткә ия мәсьәләләр буенча да, катнашырга.
Кушымтаны инде 15,9 миллион тапкыр йөкләгәннәр, ә аның айлык аудиториясе 4,3 миллион кешедән арткан.
«Госуслуги Дом» кушымтасын сылтама буенча урнаштырырга мөмкин.
При использовании информации просьба ссылаться на Управление информационной политики и по связям с общественностью.
Сишәмбе, 10 март 2026, 11:10